గర్ల్‌ఫ్రెండ్‌తో శార్దూల్ ఠాకూర్ ఎంగేజ్ మెంట్

టీమిండియా ఆల్ రౌండర్ శార్ధూల్ ఠాకూర్ ఎంగేజ్ మెంట్ జరిగింది. తన ప్రియురాలు మిథాలీ పరూల్కర్ తో పెళ్లి నిశ్చితార్థం జరుపుకున్నాడు. ముంబైలోని శార్ధూల్ నివాసంలో ఈ కార్యక్రమం జరిగింది. కరోనా నేపథ్యంలో అతికొద్ది మంది బంధువులు, సన్నిహితుల సమక్షంలో ఈ కార్యక్రమాన్ని నిర్వహించారు.

2022లో టీ20 ప్రపంచకప్ ముగిసిన తర్వాత వీరి వివాహం జరగనున్నట్టు సమాచారం. మరోవైపు పెళ్లిపీటలు ఎక్కబోతున్న ఈ జంటకు శుభాభినందనలు వెల్లువెత్తుతున్నాయి. జంట చూడముచ్చటగా ఉందని నెటిజన్లు కామెంట్ చేస్తున్నారు.