నాకు అత్యంత విలువైన ఫొటో ఇదే: ఉపాసన

మెగా ఇంటి కోడలు కొణిదెల ఉపాసన ఆసక్తికరమైన ఫొటో పంచుకున్నారు. ఆ ఫొటోలో తన అత్తమామలు సురేఖ, చిరంజీవిలతో పాటు తన తల్లిదండ్రులు శోభ కామినేని, అనిల్ కామినేని కూడా ఉన్నారు. తనకు అత్యంత విలువైన ఫొటో ఇదేనని ఉపాసన వెల్లడించారు. ఈ మేరకు సోషల్ మీడియాలో స్పందించారు.

ఉపాసన ఓవైపు అపోలో ఫౌండేషన్ కార్యక్రమాలతో బిజీగా ఉంటూనే, మరోవైపు సోషల్ మీడియాలో అభిమానులకు దగ్గరగా ఉంటారు. ఆసక్తికరమైన పోస్టులతో అలరిస్తుంటారు. రామ్ చరణ్, ఇతర మెగా కుటుంబ సభ్యుల ఫొటోలను, ముఖ్యమైన సన్నివేశాలను సామాజిక మాధ్యమాల్లో పంచుకుంటుంటారు.