'రాధే శ్యామ్' సినిమాలో 'పోటుగాడు' భామ!

కొంతమందికి ఒకదాని తర్వాత ఒకటిగా ఆఫర్లు వస్తుంటాయి. కొంతమందికి మాత్రం చాలా గ్యాప్ వచ్చేస్తుంటుంది. సిమ్రన్ కౌర్ విషయంలో కూడా అదే జరిగింది. మంచు మనోజ్ హీరోగా నటించిన 'పోటుగాడు' సినిమా ద్వారా ఈ చిన్నది అప్పట్లో టాలీవుడ్ కి పరిచయం అయింది. అయితే, ఆ సినిమా ఆమెకు పెద్దగా ఉపయోగపడలేదు. అందుకే ఆ వెంటనే టాలీవుడ్ నుంచి ఆఫర్లు రాలేదు. ఇప్పుడు ఎనిమిదేళ్ల తర్వాత సిమ్రన్ కు మళ్లీ తెలుగు సినిమాలో నటించే అవకాశం వచ్చింది. అది కూడా ప్రభాస్ సినిమా కావడం విశేషం!

రాధాకృష్ణకుమార్ దర్శకత్వంలో ప్రభాస్ హీరోగా 'రాధే శ్యామ్' పేరిట ఓ రొమాంటిక్  యాక్షన్ ఎంటర్ టైనర్ రూపొందుతున్న సంగతి విదితమే. పూజ హెగ్డే కథానాయికగా నటించిన ఈ చిత్రానికి సంబంధించిన పోస్ట్ ప్రొడక్షన్ పనులు ప్రస్తుతం జరుగుతున్నాయి. ఈ చిత్రంలో సిమ్రన్ కౌర్ ఓ ముఖ్య పాత్ర పోషించింది. దీని గురించి 'ఈ చిన్నది చెబుతూ, ఆమధ్య 'రాధేశ్యామ్' టీమ్ నుంచి కాల్ వచ్చింది. ఓ క్యారెక్టర్ వుంది చేస్తారా? అని అడిగారు. వెంటనే ఒప్పేసుకున్నాను. ఇందులో నాది కీలమైన మంచి పాత్ర, ఇందులో నటించినందుకు హ్యాపీగా వుంది' అని చెప్పింది.