పవర్ ఫుల్ పోలీస్ ఆఫీసర్ పాత్రలో శర్వానంద్

మన సినిమాలకు పోలీస్ పాత్ర అన్నది మొదటి నుంచీ మంచి కథావస్తువు. పవర్ ఫుల్ పోలీస్ ఆఫీసర్ పాత్రలు వేస్తే ప్రేక్షకులలో మంచి పేరు వస్తుందన్నది మన హీరోల నమ్మకం. అందుకే, అలాంటి పవర్ ఫుల్ పాత్రలు పోషించే అవకాశం వస్తే కనుక వదులుకోరు. తమదైన శైలిలో నటించడానికి ప్రయత్నిస్తుంటారు. గతంలో 'రాధ' చిత్రంలో పోలీస్ పాత్రలో నటించిన యువ కథానాయకుడు శర్వానంద్ కూడా తాజాగా మరోసారి అలాంటి పవర్ ఫుల్ పోలీసాఫీసర్ పాత్రను చేయనున్నాడు.

ప్రముఖ చిత్ర నిర్మాణ సంస్థ యూవీ క్రియేషన్స్ శర్వానంద్ హీరోగా ఓ చిత్రాన్ని నిర్మిస్తున్న విషయం తెలిసిందే. దీనికి నూతన దర్శకుడు శ్రీరామ్ దర్శకత్వం వహిస్తున్నాడు. ఈ చిత్రంలో పోలీస్ ఆఫీసర్ పాత్రను శర్వా బాడీ లాంగ్వేజ్ ను దృష్టిలో పెట్టుకుని చాలా పవర్ ఫుల్ గా తీర్చిదిద్దారట. ప్రస్తుతం తాను చేస్తున్న చిత్రాలు పూర్తయ్యాక శర్వానంద్ ఈ చిత్రం షూటింగులో పాల్గొంటాడు.