మరో ప్రాజెక్టుకు గ్రీన్ సిగ్నల్ ఇచ్చిన విజయ్ దేవరకొండ

విజయ్ దేవరకొండ తాజా చిత్రంగా 'ఫైటర్' రూపొందుతోంది. పూరి జగన్నాథ్ దర్శకత్వం వహిస్తున్న ఈ సినిమా, చిత్రీకరణపరంగా చివరి దశకి చేరుకుంది. తెలుగుతో పాటు ఇతర భాషల్లోను ఈ సినిమాను విడుదల చేయనున్నారు. ఈ సినిమా తరువాత శివ నిర్వాణతో కలిసి విజయ్ దేవరకొండ సెట్స్ పైకి వెళ్లనున్నాడు. ప్రస్తుతం అందుకు సంబంధించిన సన్నాహాలు జరుగుతున్నాయి. అయితే బయట ప్రచారం జరుగుతున్నట్టుగా ఈ సినిమాకి నిర్మాత 'దిల్' రాజు కాదని విజయ్ దేవరకొండ అన్నాడు.

ఇక ఆ తరువాత సినిమాను ఓ యువ దర్శకుడితో చేయనున్నానని విజయ్ దేవరకొండ చెప్పాడు. కథ కొత్తగా .. కథనం ఇంట్రెస్టింగ్ గా ఉండటంతో గ్రీన్ సిగ్నల్ ఇచ్చానని అన్నాడు. ఈ ప్రాజెక్టు గురించి అప్పుడే చెబితే మజా ఉండదనీ, త్వరలో చెబుతానని అన్నాడు. మొత్తానికి విజయ్ దేవరకొండ డిఫరెంట్ మూవీ ఏదో చేయనున్నాడనే విషయం మాత్రం అర్థమవుతోంది.