అసెంబ్లీ సమావేశాలు ముగిసిన అనంతరం ఏపీ సీఎం జగన్, గవర్నర్ బిశ్వభూషణ్ హరిచందన్‌తో భేటీ అయి పలు కీలక విషయాలపై చర్చించారు. అసెంబ్లీ సమావేశాలు జరిగిన తీరు తెన్నులపై గవర్నర్‌కు జగన్ వివరించారు. అసెంబ్లీ సమావేశాల్లో భాగంగా చర్చకు వచ్చిన అంశాలు, ప్రజా సమస్యలపై చర్చించిన తీరు, విపక్ష వ్యవహార శైలి తదితర అంశాలపై ఇరువురి మధ్య చర్చ జరిగింది. అలాగే వైసీపీ అధికారంలోకి వచ్చిన అనంతరం తీసుకున్న కీలక నిర్ణయాలతో పాటు వాటి పర్యవసానాలను బిశ్వభూషణ్‌కు జగన్ వివరించారు.