ఢిల్లీ సీఎం కేజ్రీవాల్‌కు భారీ షాక్.. పార్టీ నేత హెచ్ఎస్ ఫూల్కా రాజీనామా

ఢిల్లీ ముఖ్యమంత్రి అరవింద్ కేజ్రీవాల్‌కు భారీ షాక్ తగిలింది. పంజాబ్‌కు చెందిన ఆ పార్టీ నేత, సీనియర్ అడ్వకేట్ హెచ్ఎస్ ఫూల్కా పార్టీకి రాజీనామా చేశారు. ఈ మేరకు ట్విట్టర్ ద్వారా తెలిపారు. రాజీనామా విషయంలో పునరాలోచించుకోవాలని కేజ్రీవాల్ తనను కోరారని అయితే, తాను ఇప్పటికే నిర్ణయం తీసేసుకున్నానని పేర్కొన్నారు.

‘‘ఆమ్ ఆద్మీ పార్టీకి నేను రాజీనామా చేశాను. ఆ లేఖను కేజ్రీవాల్‌కు అందించాను. రాజీనామా విషయంలో నన్ను పునరాలోచించుకోవాలని అడిగారు. అయితే, ఇప్పటికే తాను ఓ నిర్ణయానికి వచ్చేసినట్టు ఆయనకు వివరించా’’ అని ఫూల్కా ట్విట్టర్ ద్వారా తెలిపారు. నేటి సాయంత్రం నాలుగు గంటలకు మీడియా సమావేశం నిర్వహించి రాజీనామాకు గల కారణాలు, భవిష్యత్ కార్యాచరణను వెల్లడిస్తానని  ఫూల్కా తెలిపారు.