రాజమౌళి సినిమా కోసం జూనియర్ ఎన్టీఆర్ వంద కిలోల బరువు పెరిగాడు. ఈ సినిమా కోసం గెటప్ నే మార్చేశాడు... గత కొన్ని రోజులుగా సోషల్ మీడియాలో వస్తున్న వార్తలివి. కానీ ఇవన్నీ తప్పని తేలిపోయింది. ఎన్టీఆర్ మామూలుగానే ఉన్నాడు. ఈ ఉదయం తన భార్య లక్ష్మీ ప్రణతి, తల్లి షాలినిలతో కలసి జూబ్లీహిల్స్ లోని ఓ పోలింగ్ బూత్ నకు వచ్చిన ఆయన ఓటేసేందుకు సుమారు 40 నిమిషాల పాటు క్యూలైన్లో వేచి చూసి, ఆపై ఓటేశాడు.  చాలా రోజుల తరువాత జూనియర్ ఎన్టీఆర్ బయట కనిపించడంతో మీడియా కెమెరాలు ఆయన ఫోటోలు తీసేందుకు పోటీ పడ్డాయి.