వైసీపీ అధినేత జగన్‌పై దాడి కేసులో దర్యాప్తు వేగవంతమైంది. శ్రీనివాసరావు ఫోన్ కాల్స్ లిస్టును పరిశీలించిన పోలీసులు అతని ఫోన్ నుంచి ఓ మహిళకు అధికంగా కాల్స్ వెళ్లినట్టు గుర్తించారు. దీంతో కనిగిరిలో ఆ మహిళను సిట్ పోలీసులు అదుపులోకి తీసుకుని విచారిస్తున్నారు. ఆమెతో పాటు మరో ఇద్దరినీ కూడా అదుపులోకి తీసుకుని విచారిస్తున్నారు. కాగా శ్రీనివాసరావుకు నేడు గుండెపోటు రావడంతో కేజీహెచ్‌కు తరలించారు. అన్ని పరీక్షలు నిర్వహించిన వైద్యులు అతనికి అంతా నార్మల్‌గా ఉందని వెల్లడించారు.