పాకిస్థాన్ ప్రధానిగా ప్రమాణస్వీకారం చేసిన ఇమ్రాన్ ఖాన్.. సిద్ధూకి తొలి వరుసలో స్థానం!

పాకిస్థాన్ లో నవశకం ప్రారంభమైంది. తెహ్రీక్-ఇ-ఇన్సాఫ్ అధినేత, క్రికెట్ మాజీ కెప్టెన్ ఇమ్రాన్ ఖాన్ పాకిస్థాన్ ప్రధానమంత్రిగా ప్రమాణస్వీకారం చేశారు. పాకిస్థాన్ ప్రెసిడెంట్ హౌస్ లో ఈ కార్యక్రమం నిరాడంబరంగా జరిగింది. ఇమ్రాన్ ఖాన్ చేత పాక్ అధ్యక్షుడు మామ్మూస్ హుస్సేన్ ప్రమాణస్వీకారం చేయించారు. ఈ కార్యక్రమానికి దిగ్గజ క్రికెటర్ నవజోత్ సింగ్ సిద్ధూ హాజరయ్యారు. తన స్నేహితుడైన సిద్ధూను తొలి వరుసలోనే కూర్చోబెట్టి, గౌరవించారు ఇమ్రాన్ ఖాన్. ప్రమాణస్వీకారం సమయంలో సిద్ధూ ఎంతో ఆనందంగా గడిపారు. ప్రమాణస్వీకారం పూర్తయిన వెంటనే హాల్ మొత్తం చప్పట్లతో మారుమోగింది.