వింబుల్డన్ లో ఫార్వార్డ్ డిఫెన్స్... క్రికెట్ షాట్ చూపిన ఫెదరర్ వీడియో!

రోజర్ ఫెదరర్... సమకాలీన టెన్నిస్ ప్రపంచపు రారాజు. మైదానంలోనూ, మైదానం బయట తన అభిమానులను ఎప్పుడూ అలరిస్తుంటాడు. ఇక ప్రస్తుతం లండన్ లో జరుగుతున్న వింబుల్డన్ మెగా టోర్నీలో దూసుకెళుతున్న ఫెదరర్, ఓ మ్యాచ్ లో క్రికెట్ షాట్ చూపించాడు. రికార్డు స్థాయిలో ఎనిమిది వింబుల్డన్ సింగిల్స్ టైటిల్స్ గెలిచిన ఫెదరర్, సోమవారం జరిగిన ప్రీక్వార్టర్ ఫైనల్ పోరులో ఫ్రాన్స్ కు చెందిన అడ్రియన్ మనారినోతో ఆడి, 6-0, 7-5, 6-4తో అలవోకగా గెలిచాడు.

ఈ మ్యాచ్ లో క్రికెట్ లో కనిపించే ఫార్వార్డ్ డిఫెన్స్ షాట్ ను తన రాకెట్ తో ఆడి చూపించాడు ఫెదరర్. ఆ వీడియోను వింబుల్డన్ నిర్వాహకులు తమ అధికారిక ట్విట్టర్ ఖాతాలో పోస్టు చేయడంతో అది వైరల్ అయింది. ఈ క్రికెట్ షాట్ కు ఫెదరర్ కు ఎంత రేటింగ్ ఇస్తారని ఐసీసీని వింబుల్డన్ ప్రశ్నించింది. ఆ వీడియోను మీరూ చూసేయండి.