జనవరిలోనే 'భాగమతి' .. '2.0' సమ్మర్ కి వెళ్లినట్టే!

అనుష్క ప్రధాన పాత్రగా దర్శకుడు అశోక్ 'భాగమతి' అనే సినిమాను తెరకెక్కించాడు. ఈ సినిమాను సంక్రాంతికి విడుదల చేయనున్నట్టుగా మొదట్లో వార్తలు వచ్చాయి. అయితే, సంక్రాంతికి తెలుగులో పెద్ద హీరోల సినిమాలు రంగంలోకి దిగుతున్నాయి. ఇక జనవరి 25న '2.0' సినిమా విడుదల కానుంది. అందువలన ఫిబ్రవరి 9వ తేదీన ఈ సినిమాను విడుదల చేయనున్నట్టుగా ఇటీవల వార్తలు షికారు చేశాయి.

 కానీ జనవరి 26నే ఈ సినిమాను విడుదల చేయనున్నట్టుగా ఈ సినిమా టీమ్ తాజాగా ప్రకటించింది. '2.0'కి సంబంధించిన గ్రాఫిక్స్ వర్క్ పూర్తికాకపోవడం వలన, ఆ సినిమా రిలీజ్ డేట్ వాయిదా పడనుందనే వార్తలు కొంతకాలంగా వినిపిస్తూనే వున్నాయి. తాజాగా 'భాగమతి' రిలీజ్ డేట్ ఖరారు కావడంతో, జనవరిలో '2.0' రానట్టేనని అంటున్నారు. ఇక ఈ సినిమా సమ్మర్ కే వస్తుందని చెబుతున్నారు.

'భాగమతి' నిర్మాతలకి తమిళ చిత్రపరిశ్రమతోను మంచి సంబంధాలు వున్నాయి. అందువలన అన్ని విషయాలను తెలుసుకునే వాళ్లు 'భాగమతి' రిలీజ్ డేట్ ప్రకటించి వుంటారు గనుక .. '2.0' రిలీజ్ వాయిదా పడిందనేది స్పష్టమైపోయింది.