రాజమౌళి చీఫ్ గెస్టుగా 'జై లవ కుశ' ఆడియో ఫంక్షన్

బాబీ దర్శకత్వంలో ఎన్టీఆర్ కథానాయకుడిగా చేసిన 'జై లవ కుశ' విడుదలకు ముస్తాబవుతోంది. దసరా పండుగ సందర్భాన్ని పురస్కరించుకుని ఈ సినిమాను సెప్టెంబర్ 21వ తేదీన విడుదల చేయనున్నట్టు చెప్పారు. ఈ లోగా అంచనాలను, అభిమానులలో ఉత్సాహాన్ని పెంచడానికి రంగాన్ని సిద్ధం చేస్తున్నారు. 'వినాయక చవితి'కి 'లవ' టీజర్ ను రిలీజ్ చేయనున్నారు.

ఇక సెప్టెంబర్ 3వ తేదీన ఆడియో వేడుకను నిర్వహించడానికి ప్లాన్ చేస్తున్నారు. ఈ ఫంక్షన్ కి ముఖ్య అతిథిగా రాజమౌళి రానున్నారని... ఆయన చేతుల మీదుగా ఆడియో రిలీజ్ జరగనుందని అంటున్నారు. ఈ సినిమాకి దేవిశ్రీ ప్రసాద్ అందించిన పాటలు ప్రత్యేక ఆకర్షణగా నిలవనున్నాయనే టాక్ రావడంతో, అంతా ఆడియో రిలీజ్ పై దృష్టి పెట్టారు. మూడు విలక్షణమైన పాత్రల్లో .. ముగ్గురు కథానాయికలతో ఎన్టీఆర్ చేసే సందడి కోసం అభిమానులంతా ఆసక్తిగా ఎదురుచూస్తున్నారు.