త‌మిళ‌నాడులో ఎట్ట‌కేల‌కు సినిమా థియేట‌ర్లు తెరుచుకోనున్నాయి. సినిమా టికెట్లపై భారీ పన్ను విధింపును తీవ్రంగా నిరసిస్తూ నాలుగు రోజులుగా బంద్ పాటిస్తోన్న విష‌యం తెలిసిందే. జీఎస్టీవ‌ల్ల‌ సినిమా టిక్కెట్లపై కేంద్రం విధిస్తోన్న 18, 28 శాతం పన్ను శ్లాబులకు అదనంగా, ఆ రాష్ట్ర ప్ర‌భుత్వం మరో 30 శాతం వినోద పన్ను వసూలు చేస్తోంది. దీంతో కేంద్ర, రాష్ట్ర ప్రభుత్వాల పన్నుభారం 48- 58 శాతంగా లెక్కకొస్తోంది. ఈ అంశాల‌పై ప్ర‌భుత్వంతో చ‌ర్చ‌లు జ‌రిపిన థియేటర్ల య‌జ‌మానులు ప్ర‌భుత్వం నుంచి ఓ హామీ రావ‌డంతో బంద్‌ను ఉప‌సంహ‌రించుకున్నట్లు ప్ర‌క‌టించారు. త‌మిళ‌నాడులో నాలుగు రోజులుగా సుమారు వెయ్యి థియేటర్లు మూత పడ్డాయి.