పవన్ కల్యాణ్ రాకతోనైనా తమ సమస్యలకు పరిష్కారం లభిస్తుందని భావిస్తున్నామని, తమకు మద్దతుగా ఆయన పోరాటం చేస్తారనే అనుకుంటున్నామని వందలాది మంది అగ్రీగోల్డ్ బాధితులు ఆశతో ఎదురుచూస్తున్నారు. ఆంధ్రప్రదేశ్, తెలంగాణలతో పాటు, కర్ణాటక, తమిళనాడు, ఒడిశా రాష్ట్రాల నుంచి వ్యయ ప్రయాసలతో ఈ ఉదయం విజయవాడ చేరుకున్న అగ్రీగోల్డ్ బాధితులు, ఈ విషయంలో పవన్ నిలదీయాలని కోరుకుంటున్నారు. ఇప్పటికే విజయవాడకు చేరుకున్న పవన్, గేట్ వే హోటల్ లో బసచేసి అగ్రీగోల్డ్ సమస్యకు సంబంధించిన పూర్వాపరాలను అడిగి తెలుసుకుంటున్నారు. ఆయన మరికాసేపట్లో తుమ్మలపల్లి కళాక్షేత్రంలో బాధితులతో మాట్లాడి, ఆపై వారిని ఉద్దేశించి ప్రసంగించనున్నారు.
