మహారాష్ట్రియన్లు జరుపుకునే గుడిపడ్వా (ఉగాది) పర్వదినం సందర్భంగా పలువురు బాలీవుడ్ నటులు పండుగ శుభాకాంక్ష‌లు తెలిపారు. అమితాబ్ బచ్చన్, మాధురీ దీక్షిత్, సోనాలీ బింద్రే, రితేశ్‌దేశ్‌ముఖ్‌తో పాటు ప‌లువురు స్టార్లు సంప్రదాయ వస్ర్తాలు ధరించి, తాము కూడా ఈ వేడుక జ‌రుపుకుంటున్నామ‌ని ట్విట్ట‌ర్ ఖాతా ద్వారా తెలిపారు. మ‌రోవైపు టీమిండియా మాజీ క్రికెటర్ స‌చిన్ కూడా ముంబైలోని తన నివాసంలో భార్య అంజలితో కలిసి ఈ ఉగాది జ‌రుపుకున్నారు. త‌న భార్య అంజ‌లితో క‌లిసి ప్రత్యేక పూజా కార్య‌క్ర‌మాల్లో పాల్గొన్నారు. ఈ సందర్భంగా తీసిన ఓ వీడియోను త‌న‌ ట్విట్టర్ ఖాతాలో పోస్ట్ చేశారు.