: మిస్టర్ ట్రంప్! మీరు ఎప్పుడైనా 24 గంటల పాటు ఆహారం లేకుండా ఉన్నారా? ... నేను టెర్రరిస్టునా?: వైరల్ గా మారిన బాలిక ట్వీట్
సిరియాలోని దుర్భర జీవితం గురించి ఓ వీడియో ద్వారా వెల్లడించి, సెలబ్రిటీగా మారిన సిరియా చిన్నారి బనా అల్బెడ్, ఈ సారి అమెరికా అధ్యక్షుడు డొనాల్డ్ ట్రంప్ ను నిలదీసింది. ట్విట్టర్ వేదికగా ఏకిపడేసింది. 'మిస్టర్ ట్రంప్! మీరు ఎప్పుడైనా 24 గంటల పాటు ఆహారం లేకుండా ఉన్నారా?' అని ప్రశ్నించింది. శరణార్థులు తిండిలేక, ఆశ్రయం లేక, దయనీయ పరిస్థితుల్లో జీవనం సాగిస్తున్నారని, వారిపై కనికరం చూపకుంటే ఎలా? అంటూ నిలదీసింది. ఆశావహ దృక్పథాన్ని అలవాటు చేసుకోవాలని హితవు పలికింది.
3 నెలలపాటు బాంబుల మోతతో దద్దరిల్లిన అలెప్పో నగరంలో తాను ఏనాడూ ఆశావహదృక్పథాన్ని కోల్పోలేదని చెప్పింది. ఇప్పుడు ఇలా ఎందుకు జరుగుతోందో తనకు అర్థం కావడం లేదని పేర్కొంది. 'పోనీ మీరు చెప్పండి, నేను టెర్రరిస్టునా?' అని నిలదీసింది. ఇదిప్పుడు ప్రపంచ వ్యాప్తంగా రీ ట్వీట్ అవుతోంది. చిన్నారి ప్రశ్నలకు సమాధానం చెప్పాలని పలువురు ట్రంప్ ను ట్విట్టర్ లో ప్రశ్నిస్తున్నారు.
3 నెలలపాటు బాంబుల మోతతో దద్దరిల్లిన అలెప్పో నగరంలో తాను ఏనాడూ ఆశావహదృక్పథాన్ని కోల్పోలేదని చెప్పింది. ఇప్పుడు ఇలా ఎందుకు జరుగుతోందో తనకు అర్థం కావడం లేదని పేర్కొంది. 'పోనీ మీరు చెప్పండి, నేను టెర్రరిస్టునా?' అని నిలదీసింది. ఇదిప్పుడు ప్రపంచ వ్యాప్తంగా రీ ట్వీట్ అవుతోంది. చిన్నారి ప్రశ్నలకు సమాధానం చెప్పాలని పలువురు ట్రంప్ ను ట్విట్టర్ లో ప్రశ్నిస్తున్నారు.
