సీపీఎం ఎమ్మెల్యే, మలయాళ నటుడు ముఖేశ్ కనబడటం లేదంటూ కొల్లాం నియోజకవర్గ ప్రజలు పోలీసుస్టేషన్ లో ఫిర్యాదు చేశారు. ఎన్నికల్లో గెలిచినప్పటి నుంచి ఆయన తమ నియోజకవర్గానికి వచ్చిన దాఖలాలు లేవని, వెంటనే చర్యలు తీసుకోవాలని యూత్ కాంగ్రెస్ కార్యకర్తలు ఆ ఫిర్యాదులో పేర్కొన్నారు. దీంతో, పోలీసులు మిస్సింగ్ కేసు నమోదు చేసి, రిసీట్ కూడా ఇచ్చారు. కాగా, ముఖేశ్ పై మిస్సింగ్ కేసు నమోదు చేయడం వివాదాస్పదంగా మారింది. ఈ సంఘటనపై పోలీసు ఉన్నతాధికారులు స్పందిస్తూ, పొరపాటున కేసు నమోదు చేశారని అన్నారు. ఈ విషయమై ముఖేశ్ స్పందిస్తూ, తాను ఎప్పటికప్పుడు నియోజకవర్గంలో పర్యటిస్తున్నానని చెప్పారు.