దిగుమతి చేసుకునే బంగారం విలువను కేంద్రం 10 గ్రాములకు 354 డాలర్ల నుంచి 363 డాలర్లకు (సుమారు రూ. 23,010 నుంచి సుమారు రూ. 23,595) సవరించింది. అంతర్జాతీయ మార్కెట్ల నుంచి అందుతున్న సంకేతాలు, మార్కెట్ సరళిని అనుసరించి ఈ సవరణ చేసినట్టు కేంద్రం వెల్లడించింది. ఇదే సమయంలో కిలో వెండి విలువను 498 డాలర్ల నుంచి 499 డాలర్లకు పెంచుతున్నట్టు కేంద్ర ఆర్థిక మంత్రిత్వ శాఖ ఒక ప్రకటనలో తెలిపింది. బంగారాన్ని ఎవరైనా విదేశాల నుంచి దిగుమతి చేసుకుని తీసుకొస్తే ఈ విలువ ఆధారంగా సుంకాలను చెల్లించాల్సి వుంటుంది. కాగా, నేటి ఇంటర్నేషనల్ మార్కెట్లో బంగారం ధరలు స్వల్పంగా పెరిగాయి. ఔన్సు బంగారం ధర 1,116.70 డాలర్లకు చేరింది. ఇక ఢిల్లీలో బంగారం ధర పది గ్రాములకు రూ. 26,200కు చేరింది.