హజ్ యాత్రికుల కోసం ఎయిరిండియా ప్రత్యేక విమానాలు నడపనుంది. ఏడు నగరాల నుంచి 230 సర్వీసులు నడపనున్నట్టు ఎయిరిండియా వెల్లడించింది. ఢిల్లీ, శ్రీనగర్, ముంబై, హైదరాబాదు, కొచ్చి, గోవా, నాగ్ పూర్ నగరాల నుంచి ఈ సర్వీసులను నడపనున్నట్టు సంస్థ తెలిపింది. రెండు దశల్లో నడపనున్న ఈ సర్వీసుల ద్వారా 38 వేల మంది ప్రయాణికులను జెడ్డా చేర్చనున్నట్టు ఎయిరిండియా స్పష్టం చేసింది. ప్రయాణికులను హజ్ యాత్రకు తీసుకెళ్లేందుకు వీలుగా 380 సీట్ల సామర్థ్యం కలిగిన బీ777-300 ఈఆర్ విమానాలను వినియోగించనున్నట్టు ఎయిరిండియా అధికారులు తెలియజేశారు.
