రిజర్వు బ్యాంకు అఫ్ ఇండియా అనుమతులను అనుసరించి నెలలో ఏటీఎం ఉచిత లావాదేవీలను ఐదుకు పరిమితం చేయనున్నట్టు ఐసీఐసీఐ బ్యాంకు ప్రకటించింది. ఆపై ఏటీఎంల నుంచి జరిగే ప్రతి నగదు లావాదేవీకి రూ.20 వసూలు చేస్తామని తెలిపింది. మారిన విధానాన్ని జనవరి 1 నుంచి అమలు చేస్తామని వెల్లడించింది. పొదుపు ఖాతాదారులకు ఏటీఎంలలో 5 లావాదేవీల తర్వాత రూ.20 రుసుము వసూలు చేయనున్నట్లు ఆ బ్యాంకు తన వెబ్‌సైట్‌లో పేర్కొంది. మెట్రో ప్రాంతాల్లో తమ ఖాతాదారులకు ఇతర బ్యాంకుల ఏటీఎంలలో 3 ఉచిత లావాదేవీలు, ఇతర ప్రాంతాల్లో 5 ఉచిత లావాదేవీలకు అవకాశం కల్పిస్తామని తెలిపింది. పరిమితి దాటిన తరువాత ఏ బ్యాంకు ఏటీఎం నుంచి నగదు విత్ డ్రా చేసినా రూ.20, బ్యాలెన్స్, మినీ స్టేట్ మెంట్ వంటి వాటికి రూ.8.50 వసూలు చేస్తామని తెలిపింది. ఏటీఎంల నిర్వహణ భారమైనందునే ఈ నిర్ణయం తీసుకున్నామని వివరించింది.