టెన్నిస్ దిగ్గజం రోజర్ ఫెదరర్ భారత గడ్డపై శుభారంభం చేశాడు. మిక్స్ డ్ డబుల్స్ విభాగంలో భారత టెన్నిస్ స్టార్ సానియా మీర్జాతో కలిసి బరిలోకి దిగిన రోజర్ ఫెదరర్ ప్రత్యర్థి జట్టును చిత్తు చేశాడు. దీంతో ఐపీటీఎల్ సిరీస్ లో ఇండియన్ ఏసర్స్, సింగపూర్ సల్మార్స్ పై విజయం సాధించింది. తత్ఫలితంగా ఐపీటీఎల్ లో ఇండియన్ ఏసర్స్ వరుసగా రెండో విజయాన్ని నమోదు చేసింది. ఢిల్లీలోని ఇందిరాగాంధీ స్టేడియంలో జరిగిన ఆదివారం నాటి మ్యాచ్ లో రోజర్ ఫెదరర్ భారత టెన్నిస్ అభిమానులను అలరించాడు. వరుసగా రెండో విజయాన్ని నమోదు చేసిన ఇండియన్ ఏసర్స్ టెన్నిస్ కోర్టులో సంబరాలు చేసుకుంది.