మహబూబ్ నగర్ జిల్లాలోని జూరాల ప్రాజెక్టుకు భారీగా వరదనీరు వచ్చి చేరుతోంది. ఇన్ ఫ్లో 98,530 క్యూసెక్కులుగా ఉంది. పూర్తి స్థాయి నీటిమట్టం 318.576 మీటర్లు కాగా... ప్రాజెక్టు నీటిమట్టం పూర్తి స్థాయికి చేరుకుంది. ఈ నేపథ్యంలో అధికారులు 7 గేట్లు ఎత్తివేసి 70,623 క్యూసెక్కుల నీటిని కిందకు విడుదల చేశారు. ఒక్కసారిగా నీరు విడుదల కావడంతో... లోయర్ జూరాల పవర్ ప్రాజెక్టు గేట్లు కొట్టుకుపోయాయి. నాలుగో యూనిట్ ఇన్ టేక్ గేట్ లీకేజీతో ఈ ప్రమాదం సంభవించింది. దీంతో ఆరు విద్యుత్ యూనిట్లు నీట మునిగాయి. ప్రమాద సమయంలో విద్యుత్ యూనిట్లలో 70 మంది సిబ్బంది పనిచేస్తున్నారు. అయితే, వారందరూ సురక్షితంగా బయటపడ్డారు. ఈ ప్రమాదంతో రూ. కోట్లలో ఆస్తి నష్టం సంభవించింది.