ఫిలింఫేర్ అవార్డుల్లో బాలీవుడ్ చిత్రం 'భాగ్ మిల్కా భాగ్' కు అవార్డుల పంట పండింది. ఏకంగా ఆరు అవార్డులను సొంతం చేసుకుంది. ఉత్తమ చిత్రం, ఉత్తమ దర్శకుడు, ఉత్తమ నటుడు (ఫర్హాన్ అక్తర్), ఉత్తమ ప్రొడక్షన్ డిజైన్ కేటగిరి, ఈ చిత్రానికే ఉత్తమ గీత రచయిత ప్రసూన్ జోషి, ఉత్తమ కాస్ట్యూమ్ డిజైనర్(డోలీ అహ్లువాలియా) విభాగాల్లో భాగ్ మిల్కా భాగ్ అవార్డులు దక్కించుకుంది. ముంబయిలో నిన్న జరిగిన 59 వ వార్షిక ఫిల్మ్ ఫేర్ అవార్డుల కార్యక్రయంలో పురస్కారాలను అందజేశారు. పరుగుల వీరుడు మిల్కా సింగ్ జీవితం కథ ఆధారంగా తెరకెక్కించిన ఈ చిత్రం భారీ విజయాన్ని సొంత చేసుకున్న సంగతి తెలిసిందే. ఫర్హాన్ అక్తర్ మిల్కా పాత్రను పోషించాడు.