రాయితీ సిలిండర్లను పెంచే ఆలోచన లేదు: మొయిలీ

వంట గ్యాస్ రాయితీ సిలిండర్లను 9 నుంచి 12కు పెంచాలనే ఆలోచన కానీ, ప్రతిపాదన కానీ లేవని కేంద్ర పెట్రోలియం శాఖ మంత్రి వీరప్ప మొయిలీ స్పష్టం చేశారు. 9 సబ్సిడీ సిలిండర్లు 90 శాతం మంది వినియోగదారులకు సరిపోతాయని... కేవలం 10 శాతం మందికి మాత్రమే సరిపోవని అన్నారు. అయితే, సబ్సిడీ సిలిండర్ల సంఖ్యను 12కు పెంచే ఆలోచనలో కేంద్ర ప్రభుత్వం ఉందని కేంద్ర ఆర్థిక మంత్రి చిదంబరం గురువారం వెల్లడించారు. దీనిపై స్పందించిన మొయిలీ... ఊహాగానాలకు తెరదించారు.