అర్జున అవార్డుల కోసం కొత్త మార్గదర్శకాలు జారీ

అర్జున అవార్డుల ఎంపికపై వస్తున్న వివాదాలకు ఫుల్ స్టాప్ పెట్టే నేపథ్యంలో కేంద్ర క్రీడా మంత్రిత్వశాఖ చర్యలు చేపట్టింది. ఇందుకోసం నిన్న (శుక్రవారం) 'మినిస్ట్రీ ఆఫ్ యూత్ అఫైర్స్ అండ్ స్పోర్ట్స్' కొత్త మార్గదర్శకాలు జారీ చేసింది. కొత్త నిబంధనలు 2014 నుంచి అమల్లోకి వస్తాయని చెప్పింది. అంతర్జాతీయ ఛాంపియన్ షిప్స్, ఒలింపిక్స్, ఆసియన్ గేమ్స్, కామన్ వెల్త్ గేమ్స్ లో పథకాలు సాధించిన వారికి 90 శాతం (తొలి) ప్రాధాన్యత ఇస్తారు. ఇక పది శాతం వెయిటేజ్ మార్కులను క్రీడాకారుడి నేపథ్యం, క్రీడల్లో అతని సామర్థ్యం తదితర విషయాలను సెలక్షన్ కమిటీ పరిశీలిస్తుంది.