రాష్ట్ర మంత్రి శ్రీధర్ బాబు తన పదవికి రాజీనామా చేశారు. రాజీనామా లేఖను తన వ్యక్తిగత కార్యదర్శి ద్వారా ఆయన ముఖ్యమంత్రికి పంపారు. శాసన సభా వ్యవహారాల శాఖను తన నుంచి తప్పించడంతో తీవ్ర మనస్థాపానికి గురైన ఆయన ఈ నిర్ణయం తీసుకున్నారు. ఏఐసీసీ కార్యదర్శి రామచంద్ర కుంతియా శ్రీధర్ బాబును చల్లబరిచేందుకు చేసిన ప్రయత్నాలు ఫలించలేదు. దీంతో ముఖ్యమంత్రి ఆయన రాజీనామా లేఖను ఆమోదిస్తారా? లేక పెండింగ్ లో పెడతారా? అనే దానిపై ఉత్కంఠ నెలకొంది.