ఎక్కువ లాభాలను ఆర్జించడానికి అవకాశమున్న మ్యూచువల్ ఫండ్స్ పై ఇన్వెస్టర్లకు ఆదరణ తగ్గినట్లు కనిపిస్తోంది. ప్రస్తుత ఆర్థిక సంవత్సరం (2013-14) మొదటి ఎనిమిది నెలల కాలంలో 24 లక్షల మంది ఇన్వెస్టర్లను ఈ పరిశ్రమ కోల్పోయింది. దీనికి కారణం ఇన్వెస్టర్లు లాభాలను వెనక్కి తీసుకోవడంతోపాటు కొన్ని పథకాలను కలిపేయడమే కారణమని తెలుస్తోంది. 2013 మార్చి నాటికి 45 ఫండ్ హౌస్ ల వద్ద ఫోలియోలు(ఖాతాల) 4.28కోట్లుగా ఉండగా.. గత నవంబర్ నాటికి ఇవి 4.04కోట్లకు తగ్గిపోయాయి. ఒకే ఇన్వెస్టర్ ఒకటికి మించి ఫోలియోలను కలిగి ఉండడానికి అవకాశం ఉంది.