ప్రధాన మంత్రి మన్మోహన్ సింగ్ తన అమెరికా పర్యటనలో కీలకమైన రక్షణ ఒప్పందాలపై చర్చలు జరపనున్నారు. ఈ ఒప్పందాల విలువ అక్షరాల 5 బిలియన్ డాలర్లు. ఒప్పందాల్లో భాగంగా అమెరికా నుంచి ఇండియా భారీ ఎత్తున ఎయిర్ క్రాఫ్ట్ లు, హెలికాప్టర్లు కొనుగోలు చేయనుంది. ఇందులో ఆరు.. సీ-130 జె హెర్క్యులెస్ ఎయిర్ క్రాఫ్టులు, 37 హెలికాప్టర్లు ఉన్నాయి. హెలికాప్టర్లలో 22 అపాచీలు, 15 చినూక్ హెవీ లిఫ్టర్లు ఉన్నాయి. మన దేశ వాయుసేనను మరింత బలోపేతం చేయడానికి వీటిని కొనుగోలు చేయనున్నారు. అపాచీ హెలికాప్టర్లను వాయుసేనకు అప్పగించడం ద్వారా కాలం చెల్లిన రష్యా తయారీ ఎం-35 హెలికాప్టర్లను తొలగిస్తారు.