కుల్దీప్ బాల్ను లైట్ తీసుకున్నాడు.. తర్వాత ఏం జరిగిందో చూసి బ్యాటర్ షాక్!
- కుల్దీప్ బౌలింగ్ వీడియో సోషల్ మీడియాలో వైరల్
- బంతిని వదిలేసిన జమాన్ అక్తర్కు షాక్
- అనూహ్యంగా తిరిగి స్టంప్స్ను తాకిన బంతి
- ఎసెక్స్పై కుల్దీప్కు 10 వికెట్లు
- ఇంగ్లాండ్ వికెట్ల ప్రత్యేకత వివరించిన కుల్దీప్
టీమిండియా స్టార్ స్పిన్నర్ కుల్దీప్ యాదవ్ ఇంగ్లాండ్ కౌంటీ క్రికెట్లో తన స్పిన్ మాయాజాలాన్ని కొనసాగిస్తున్నాడు. ఈ సీజన్లో యార్క్షైర్ తరఫున ఆడుతున్న కుల్దీప్ ఇటీవల ఎసెక్స్తో జరిగిన మ్యాచ్లో ఏకంగా 10 వికెట్లు పడగొట్టి అదరగొట్టాడు. తాజాగా అతడు వేసిన ఓ బంతి సోషల్ మీడియాలో వైరల్గా మారింది. బ్యాటర్ బంతిని వదిలేయగా.. అది అనూహ్యంగా మలుపు తిరిగి స్టంప్స్ను గిరాటేసింది.
కౌంటీ ఛాంపియన్షిప్ డివిజన్-1లో ఎసెక్స్తో ఈ నెల 10న ముగిసిన మ్యాచ్లో కుల్దీప్ తొలి ఇన్నింగ్స్లో 4/70, రెండో ఇన్నింగ్స్లో 6/50తో సత్తా చాటాడు. మొత్తంగా 10/120తో మ్యాచ్లో 10 వికెట్లు తీసుకున్నాడు. బ్యాటింగ్లోనూ 36 పరుగులు చేశాడు. కుల్దీప్ అద్భుత ప్రదర్శనతో యార్క్షైర్ ఇన్నింగ్స్ 106 పరుగుల తేడాతో ఘన విజయం సాధించింది.
ఇక వైరల్ అవుతున్న వీడియోలో జమాన్ అక్తర్ను కుల్దీప్ బోల్తా కొట్టించిన తీరు అందరినీ ఆశ్చర్యపరిచింది. ఆఫ్స్టంప్కు చాలా దూరంగా కుల్దీప్ బంతిని పిచ్ చేశాడు. బంతి ఆఫ్ స్టంప్ బయటకు వెళ్తుందని భావించిన జమాన్ దాన్ని ఆడకుండా బ్యాట్ ఎత్తేశాడు. కానీ బ్యాటర్ ఊహకు అందని విధంగా బంతి పిచ్ అయిన తర్వాత లోపలికి భారీగా తిరిగింది. నేరుగా స్టంప్స్ను తాకడంతో జమాన్ షాక్కు గురయ్యాడు. చేసేదేమీ లేక పెవిలియన్కు చేరాడు.
మ్యాచ్ తర్వాత కుల్దీప్ మాట్లాడుతూ.. బౌలింగ్కు వికెట్ చాలా అనుకూలంగా ఉందని చెప్పాడు. బంతిని వేగంగా వేయాల్సిన అవసరం లేదని, వికెట్లోనే మంచి పేస్ ఉందని వివరించాడు. బంతిని పిచ్ చేసిన తర్వాత అందులో వేగం కనిపించిందని, ఎక్కువ రివల్యూషన్స్తో స్పిన్ చేయడమే కీలకమని తెలిపాడు.
భారత్లో పరిస్థితులతో పోలిస్తే ఇంగ్లాండ్ వికెట్లు పూర్తిగా భిన్నంగా ఉంటాయని కుల్దీప్ చెప్పాడు. స్వదేశంలో ఎక్కువగా స్పిన్ లభించినా పిచ్లు నెమ్మదిగా ఉంటాయని, బ్యాటర్లు అందుకు తగ్గట్టుగా సర్దుకునే అవకాశం ఉంటుందని వివరించాడు. ఇంగ్లాండ్లో వికెట్లలో వేగం ఉండటంతో బ్యాటర్ బ్యాక్ఫుట్కు వెళ్తే ఇబ్బందుల్లో పడతాడని చెప్పాడు. అందుకే ఫ్రంట్ఫుట్పై ఆడాల్సి ఉంటుందని, అప్పుడు క్యాచ్ ఔట్, స్లిప్, షార్ట్ లెగ్లో క్యాచ్ కొట్టే అవకాశాలు ఎక్కువగా ఉంటాయని వివరించాడు.
కుల్దీప్ భారత్ తరఫున ఇప్పటివరకు 19 టెస్టులు ఆడి 80 వికెట్లు తీశాడు. ఈ ఫార్మాట్లో ఐదు సార్లు ఐదు వికెట్ల ఘనత సాధించాడు. అయితే ఇటీవలి కాలంలో జాతీయ జట్టులో తుది జట్టులో చోటు దక్కించుకోవడంలో అతడు ఇబ్బందులు ఎదుర్కొంటున్నాడు.
కౌంటీ ఛాంపియన్షిప్ డివిజన్-1లో ఎసెక్స్తో ఈ నెల 10న ముగిసిన మ్యాచ్లో కుల్దీప్ తొలి ఇన్నింగ్స్లో 4/70, రెండో ఇన్నింగ్స్లో 6/50తో సత్తా చాటాడు. మొత్తంగా 10/120తో మ్యాచ్లో 10 వికెట్లు తీసుకున్నాడు. బ్యాటింగ్లోనూ 36 పరుగులు చేశాడు. కుల్దీప్ అద్భుత ప్రదర్శనతో యార్క్షైర్ ఇన్నింగ్స్ 106 పరుగుల తేడాతో ఘన విజయం సాధించింది.
ఇక వైరల్ అవుతున్న వీడియోలో జమాన్ అక్తర్ను కుల్దీప్ బోల్తా కొట్టించిన తీరు అందరినీ ఆశ్చర్యపరిచింది. ఆఫ్స్టంప్కు చాలా దూరంగా కుల్దీప్ బంతిని పిచ్ చేశాడు. బంతి ఆఫ్ స్టంప్ బయటకు వెళ్తుందని భావించిన జమాన్ దాన్ని ఆడకుండా బ్యాట్ ఎత్తేశాడు. కానీ బ్యాటర్ ఊహకు అందని విధంగా బంతి పిచ్ అయిన తర్వాత లోపలికి భారీగా తిరిగింది. నేరుగా స్టంప్స్ను తాకడంతో జమాన్ షాక్కు గురయ్యాడు. చేసేదేమీ లేక పెవిలియన్కు చేరాడు.
మ్యాచ్ తర్వాత కుల్దీప్ మాట్లాడుతూ.. బౌలింగ్కు వికెట్ చాలా అనుకూలంగా ఉందని చెప్పాడు. బంతిని వేగంగా వేయాల్సిన అవసరం లేదని, వికెట్లోనే మంచి పేస్ ఉందని వివరించాడు. బంతిని పిచ్ చేసిన తర్వాత అందులో వేగం కనిపించిందని, ఎక్కువ రివల్యూషన్స్తో స్పిన్ చేయడమే కీలకమని తెలిపాడు.
భారత్లో పరిస్థితులతో పోలిస్తే ఇంగ్లాండ్ వికెట్లు పూర్తిగా భిన్నంగా ఉంటాయని కుల్దీప్ చెప్పాడు. స్వదేశంలో ఎక్కువగా స్పిన్ లభించినా పిచ్లు నెమ్మదిగా ఉంటాయని, బ్యాటర్లు అందుకు తగ్గట్టుగా సర్దుకునే అవకాశం ఉంటుందని వివరించాడు. ఇంగ్లాండ్లో వికెట్లలో వేగం ఉండటంతో బ్యాటర్ బ్యాక్ఫుట్కు వెళ్తే ఇబ్బందుల్లో పడతాడని చెప్పాడు. అందుకే ఫ్రంట్ఫుట్పై ఆడాల్సి ఉంటుందని, అప్పుడు క్యాచ్ ఔట్, స్లిప్, షార్ట్ లెగ్లో క్యాచ్ కొట్టే అవకాశాలు ఎక్కువగా ఉంటాయని వివరించాడు.
కుల్దీప్ భారత్ తరఫున ఇప్పటివరకు 19 టెస్టులు ఆడి 80 వికెట్లు తీశాడు. ఈ ఫార్మాట్లో ఐదు సార్లు ఐదు వికెట్ల ఘనత సాధించాడు. అయితే ఇటీవలి కాలంలో జాతీయ జట్టులో తుది జట్టులో చోటు దక్కించుకోవడంలో అతడు ఇబ్బందులు ఎదుర్కొంటున్నాడు.
