Allu Arjun: తమ్ముడి ప్రీ వెడ్డింగ్ పార్టీ.. అందరికీ థ్యాంక్స్ చెప్పిన అల్లు అర్జున్

టాలీవుడ్ ఐకాన్ స్టార్ అల్లు అర్జున్ ఇంట పెళ్లి సందడి నెలకొంది. తన తమ్ముడు, హీరో అల్లు శిరీష్ వివాహ వేడుకలకు సంబంధించి తాజాగా జరిగిన ప్రీ వెడ్డింగ్ రిసెప్షన్ గురించి బన్నీ సోషల్ మీడియా వేదికగా స్పందించారు. ఈ వేడుకకు హాజరై, కొత్త జంటను ఆశీర్వదించిన ప్రతి ఒక్కరికీ ఆయన అల్లు కుటుంబం తరఫున ప్రత్యేక కృతజ్ఞతలు తెలిపారు.

ఈ మేరకు అల్లు అర్జున్ తన సోషల్ మీడియా ఖాతాలో ఓ సందేశాన్ని పోస్ట్ చేశారు. "మా పిలుపు మేరకు ప్రీ వెడ్డింగ్ రిసెప్షన్‌కు హాజరై, అందమైన జంటపై మీ ఆశీర్వాదాలు కురిపించిన వారందరికీ మా ధన్యవాదాలు. అలాగే ప్రపంచవ్యాప్తంగా నలుమూలల నుంచి శుభాకాంక్షలు పంపుతున్న వారి ప్రేమకు మా హృదయం నిండిపోయింది. మీ ఆప్యాయత, అనురాగాలకు థ్యాంక్స్" అని 'అల్లు ఫ్యామిలీ' తరఫున బన్నీ పేర్కొన్నారు.

కాగా, అల్లు శిరీష్, నయనికా రెడ్డిల వివాహం మార్చి 6న జరగనుంది. ఈ పెళ్లి వేడుకల పట్ల మెగా అభిమానులు, సినీ వర్గాల్లో ఆసక్తి ఓ రేంజిలో ఉంది.