War 2: ఒకే పాటలో హృతిక్, ఎన్టీఆర్ డ్యాన్స్.. 'సలామ్ అనాలి' ప్రోమోతో ఫ్యాన్స్కు పూనకాలే!
- హృతిక్ రోషన్, జూనియర్ ఎన్టీఆర్ నటిస్తున్న 'వార్ 2'
- 'సలామ్ అనాలి' అంటూ సాగే పాట ప్రోమో విడుదల
- ప్రోమోలో కలిసి స్టెప్పులేసిన ఇద్దరు స్టార్ హీరోలు
- ఈ నెల 14న సినిమా గ్రాండ్ రిలీజ్
- యంగ్ టైగర్ ఎన్టీఆర్కు ఇదే తొలి హిందీ చిత్రం
సినీ అభిమానులు అత్యంత ఆసక్తిగా ఎదురుచూస్తున్న 'వార్ 2' సినిమా నుంచి ఓ అదిరిపోయే అప్డేట్ వచ్చేసింది. బాలీవుడ్ హీరో హృతిక్ రోషన్, టాలీవుడ్ యంగ్ టైగర్ ఎన్టీఆర్ తొలిసారి కలిసి నటిస్తున్న ఈ చిత్రంపై మొదటి నుంచి భారీ అంచనాలు నెలకొన్నాయి. ఆ అంచనాలకు మరింత ఊపునిస్తూ, చిత్రబృందం తాజాగా ఓ అదిరిపోయే పాట ప్రోమోను విడుదల చేసింది.
యశ్ రాజ్ ఫిలిమ్స్ స్పై యూనివర్స్లో భాగంగా వస్తున్న ఈ యాక్షన్ ఎంటర్టైనర్కు అయాన్ ముఖర్జీ దర్శకత్వం వహిస్తున్నారు. తాజాగా విడుదల చేసిన 'సలామ్ అనాలి' పాట ప్రోమోలో హృతిక్ రోషన్, జూనియర్ ఎన్టీఆర్ కలిసి స్టెప్పులేసి అభిమానులను ఉర్రూతలూగించారు. "దునియా సలామ్ అనాలి" అంటూ సాగే ఈ పాటలోని పవర్ఫుల్ లిరిక్స్, ఇద్దరు స్టార్ల డ్యాన్స్ మూమెంట్స్ సోషల్ మీడియాలో క్షణాల్లో వైరల్ అయ్యాయి. అయితే, ఈ పాట పూర్తి వీడియోను థియేటర్లలోనే చూడాలంటూ మేకర్స్ ప్రకటించడం సినిమాపై మరింత క్యూరియాసిటీని పెంచింది.
ఈ చిత్రంలో కియారా అద్వానీ కథానాయికగా నటిస్తుండగా, ఆదిత్య చోప్రా ప్రతిష్ఠాత్మకంగా నిర్మిస్తున్నారు. ఈ సినిమాతోనే ఎన్టీఆర్ బాలీవుడ్లోకి అడుగుపెడుతుండటంతో తెలుగు ప్రేక్షకుల్లోనూ ప్రత్యేక ఆసక్తి నెలకొంది. స్వాతంత్ర్య దినోత్సవ కానుకగా ఈ నెల 14న హిందీ, తెలుగు, తమిళ భాషల్లో ఈ చిత్రాన్ని ప్రపంచవ్యాప్తంగా విడుదల చేయనున్నారు.
కాగా, భారీ యాక్షన్ ఘట్టాలు, ఇద్దరు అగ్ర హీరోల నడుమ హోరాహోరీ పోరుతో 'వార్ 2' 2025లో అతిపెద్ద బ్లాక్బస్టర్గా నిలవడం ఖాయమని సినీ విశ్లేషకులు అంచనా వేస్తున్నారు.
యశ్ రాజ్ ఫిలిమ్స్ స్పై యూనివర్స్లో భాగంగా వస్తున్న ఈ యాక్షన్ ఎంటర్టైనర్కు అయాన్ ముఖర్జీ దర్శకత్వం వహిస్తున్నారు. తాజాగా విడుదల చేసిన 'సలామ్ అనాలి' పాట ప్రోమోలో హృతిక్ రోషన్, జూనియర్ ఎన్టీఆర్ కలిసి స్టెప్పులేసి అభిమానులను ఉర్రూతలూగించారు. "దునియా సలామ్ అనాలి" అంటూ సాగే ఈ పాటలోని పవర్ఫుల్ లిరిక్స్, ఇద్దరు స్టార్ల డ్యాన్స్ మూమెంట్స్ సోషల్ మీడియాలో క్షణాల్లో వైరల్ అయ్యాయి. అయితే, ఈ పాట పూర్తి వీడియోను థియేటర్లలోనే చూడాలంటూ మేకర్స్ ప్రకటించడం సినిమాపై మరింత క్యూరియాసిటీని పెంచింది.
ఈ చిత్రంలో కియారా అద్వానీ కథానాయికగా నటిస్తుండగా, ఆదిత్య చోప్రా ప్రతిష్ఠాత్మకంగా నిర్మిస్తున్నారు. ఈ సినిమాతోనే ఎన్టీఆర్ బాలీవుడ్లోకి అడుగుపెడుతుండటంతో తెలుగు ప్రేక్షకుల్లోనూ ప్రత్యేక ఆసక్తి నెలకొంది. స్వాతంత్ర్య దినోత్సవ కానుకగా ఈ నెల 14న హిందీ, తెలుగు, తమిళ భాషల్లో ఈ చిత్రాన్ని ప్రపంచవ్యాప్తంగా విడుదల చేయనున్నారు.
కాగా, భారీ యాక్షన్ ఘట్టాలు, ఇద్దరు అగ్ర హీరోల నడుమ హోరాహోరీ పోరుతో 'వార్ 2' 2025లో అతిపెద్ద బ్లాక్బస్టర్గా నిలవడం ఖాయమని సినీ విశ్లేషకులు అంచనా వేస్తున్నారు.
