ఇలా ఉంటేనే హీరోయిన్లు ఎక్కువ కాలం ఇండస్ట్రీలో ఉంటారు: విద్యాబాలన్
- సినిమా పరిశ్రమలో మార్పులు సహజమన్న విద్యాబాలన్
- అవకాశాలకు తగ్గట్టు హీరోయిన్లు మారాలని సూచన
- లేకపోతే ఇండస్ట్రీ నుంచి కనుమరుగయ్యే ప్రమాదం ఉందన్న నటి
సినిమా రంగంలో మార్పులు అనేవి చాలా సాధారణమని, మారుతున్న కాలానికి, పరిస్థితులకు అనుగుణంగా నటీనటులు కూడా తమను తాము మార్చుకోవాలని విద్యాబాలన్ అన్నారు. ముఖ్యంగా, కథానాయికలు తమకు వచ్చే అవకాశాలను బట్టి ఎప్పటికప్పుడు తమను తాము కొత్తగా ఆవిష్కరించుకోవాలని, అప్పుడే పరిశ్రమలో ఎక్కువ కాలం కొనసాగే అవకాశం ఉంటుందని ఆమె అభిప్రాయపడ్డారు. అలా మారలేని వారు క్రమంగా ప్రేక్షకులకు దూరమై, ఫేడ్ అవుట్ అవుతారని ఆమె స్పష్టం చేశారు.
తన వ్యక్తిగత విషయాల గురించి మాట్లాడుతూ... "చిన్నప్పుడు నేను చాలా అల్లరి చేసేదాన్ని. ముఖ్యంగా రాత్రిళ్లు ఎక్కువగా మేల్కొని ఉండేదాన్ని. ఆ అలవాటు మానుకోవడానికి నాకు చాలా సమయం పట్టింది," అని విద్యాబాలన్ గుర్తుచేసుకున్నారు. తన జీవితంలో సినిమాల పాత్ర చాలా కీలకమని, సినిమాలే తన జీవితాన్ని పూర్తిగా మార్చేశాయని ఆమె తెలిపారు. వివాహం జరిగిన తర్వాత కూడా తాను సినిమాల్లో నటిస్తూ ఉండటం చాలా సంతోషాన్ని ఇస్తోందని ఆనందం వ్యక్తం చేశారు. తన అభిప్రాయాలను నిర్మొహమాటంగా చెప్పే విద్యా బాలన్ వ్యాఖ్యలు ఇప్పుడు సినీ వర్గాల్లో చర్చనీయాంశంగా మారాయి.
