Gold Price Drop: పసిడి పరుగుకు బ్రేక్.. ధర రూ.88,000కు పడిపోతుందా?
బంగారం ధరలు ప్రస్తుతం తీవ్ర ఒత్తిడిని ఎదుర్కొంటున్నాయి. ఏప్రిల్లో నమోదైన రికార్డు స్థాయి నుంచి ఇప్పటికే సుమారు 7 శాతం మేర పసిడి విలువ తగ్గింది. ప్రస్తుతం ఓ కీలకమైన మద్దతు స్థాయి వద్ద కదలాడుతున్న బంగారం, ఈ స్థాయిని కోల్పోతే మరింత పతనం కావచ్చని, స్వల్పకాలంలో రూ.88,000కు చేరొచ్చని నిపుణులు చెబుతున్నారు.
అమెరికాలో వడ్డీ రేట్ల కోతపై అంచనాలు తగ్గడం బంగారం ధరలపై ప్రధానంగా ప్రభావం చూపుతోంది. దీనికి తోడు, వాణిజ్య యుద్ధ భయాలు సద్దుమణగడం వంటి అంతర్జాతీయ పరిణామాలు కూడా పసిడికి ప్రతికూలంగా మారాయి. ఎంసీఎక్స్లో ఏప్రిల్ 22న 10 గ్రాముల బంగారం ధర రూ.99,358 ఆల్టైమ్ గరిష్ఠాన్ని తాకిన సంగతి తెలిసిందే. అప్పటి నుంచి ధర గణనీయంగా దిగివచ్చింది. డిసెంబర్ తర్వాత తొలిసారిగా పసిడి ధర 50 రోజుల చలన సగటు (50-day moving average) కంటే దిగువన ముగిసే ప్రమాదం ఉందని మార్కెట్ నిపుణులు ఆందోళన వ్యక్తం చేస్తున్నారు.
యాక్సిస్ సెక్యూరిటీస్ విశ్లేషణ ప్రకారం, అంతర్జాతీయ మార్కెట్లలో ఔన్సుకు 3,136 డాలర్ల స్థాయి కీలక మద్దతుగా ఉంది. ఒకవేళ ఈ స్థాయి కంటే తగ్గితే, 2,875 నుంచి 2,950 డాలర్ల శ్రేణికి పడిపోయే అవకాశం ఉంది. ఆగ్మాంట్కు చెందిన రేనిషా చైనాని మాట్లాడుతూ, భౌగోళిక రాజకీయ ఉద్రిక్తతలు, మార్కెట్లో తగ్గిన డిమాండ్ కారణంగా బంగారం ధరలు ఒత్తిడిలో ఉన్నాయని, స్వల్పకాలంలో ఔన్సుకు 3000-3050 డాలర్ల (సుమారు రూ.87,000 - రూ.88,000) వరకు తగ్గే అవకాశం ఉందని అంచనా వేశారు.
అయితే, రిద్ధిసిద్ధి బులియన్స్ మేనేజింగ్ డైరెక్టర్ పృథ్వీరాజ్ కొఠారి, ప్రస్తుత సర్దుబాట్లు తాత్కాలికమేనని తెలిపారు. బంగారం ధరలు తగ్గినప్పుడు దీర్ఘకాలిక మదుపరులకు మంచి కొనుగోలు అవకాశాలు లభిస్తాయని, అయితే ప్రపంచ పరిణామాలను నిశితంగా గమనిస్తూ, పెట్టుబడుల విషయంలో జాగ్రత్త వహించాలని సూచించారు. ప్రపంచ ఆర్థిక వ్యవస్థలు వేగంగా కోలుకుంటే, బంగారం ధరలలో మరింత దిద్దుబాటు రావచ్చని ఆయన పేర్కొన్నారు. మదుపరులు అంతర్జాతీయ పరిణామాలపై దృష్టి సారించాలని నిపుణులు సూచిస్తున్నారు.
అమెరికాలో వడ్డీ రేట్ల కోతపై అంచనాలు తగ్గడం బంగారం ధరలపై ప్రధానంగా ప్రభావం చూపుతోంది. దీనికి తోడు, వాణిజ్య యుద్ధ భయాలు సద్దుమణగడం వంటి అంతర్జాతీయ పరిణామాలు కూడా పసిడికి ప్రతికూలంగా మారాయి. ఎంసీఎక్స్లో ఏప్రిల్ 22న 10 గ్రాముల బంగారం ధర రూ.99,358 ఆల్టైమ్ గరిష్ఠాన్ని తాకిన సంగతి తెలిసిందే. అప్పటి నుంచి ధర గణనీయంగా దిగివచ్చింది. డిసెంబర్ తర్వాత తొలిసారిగా పసిడి ధర 50 రోజుల చలన సగటు (50-day moving average) కంటే దిగువన ముగిసే ప్రమాదం ఉందని మార్కెట్ నిపుణులు ఆందోళన వ్యక్తం చేస్తున్నారు.
యాక్సిస్ సెక్యూరిటీస్ విశ్లేషణ ప్రకారం, అంతర్జాతీయ మార్కెట్లలో ఔన్సుకు 3,136 డాలర్ల స్థాయి కీలక మద్దతుగా ఉంది. ఒకవేళ ఈ స్థాయి కంటే తగ్గితే, 2,875 నుంచి 2,950 డాలర్ల శ్రేణికి పడిపోయే అవకాశం ఉంది. ఆగ్మాంట్కు చెందిన రేనిషా చైనాని మాట్లాడుతూ, భౌగోళిక రాజకీయ ఉద్రిక్తతలు, మార్కెట్లో తగ్గిన డిమాండ్ కారణంగా బంగారం ధరలు ఒత్తిడిలో ఉన్నాయని, స్వల్పకాలంలో ఔన్సుకు 3000-3050 డాలర్ల (సుమారు రూ.87,000 - రూ.88,000) వరకు తగ్గే అవకాశం ఉందని అంచనా వేశారు.
అయితే, రిద్ధిసిద్ధి బులియన్స్ మేనేజింగ్ డైరెక్టర్ పృథ్వీరాజ్ కొఠారి, ప్రస్తుత సర్దుబాట్లు తాత్కాలికమేనని తెలిపారు. బంగారం ధరలు తగ్గినప్పుడు దీర్ఘకాలిక మదుపరులకు మంచి కొనుగోలు అవకాశాలు లభిస్తాయని, అయితే ప్రపంచ పరిణామాలను నిశితంగా గమనిస్తూ, పెట్టుబడుల విషయంలో జాగ్రత్త వహించాలని సూచించారు. ప్రపంచ ఆర్థిక వ్యవస్థలు వేగంగా కోలుకుంటే, బంగారం ధరలలో మరింత దిద్దుబాటు రావచ్చని ఆయన పేర్కొన్నారు. మదుపరులు అంతర్జాతీయ పరిణామాలపై దృష్టి సారించాలని నిపుణులు సూచిస్తున్నారు.
