నువ్వు ఎక్కడున్నా హ్యాపీగా ఉండు బాబాయ్: జూనియర్ ఎన్టీఆర్ కు మంచు మనోజ్ గ్రీటింగ్స్

యంగ్ టైగర్ ఎన్టీఆర్ ఈరోజు తన 41వ పుట్టినరోజును జరుపుకుంటున్నారు. ఈ సందర్భంగా ఆయనకు సినీ సెలబ్రిటీలు, రాజకీయ నాయకులు బర్త్ డే విషెస్ తెలుపుతున్నారు. హీరో మంచు మనోజ్ కూడా ఎన్టీఆర్ కు పుట్టినరోజు శుభాకాంక్షలు తెలియజేశారు. తన మిత్రుడు తారక్ కు హ్యాపీ బర్త్ డే అని ఆయన చెప్పారు. నువ్వెక్కడున్నా చల్లగా ఉండాలి బాబాయ్ అంటూ ఎన్టీఆర్ పై మనోజ్ తన ఆత్మీయతను వెల్లడించారు. 

'తారక్ 'దేవర' సినిమా నుంచి నిన్న సాంగ్ విడులయింది. అదిరిపోయింది. ఆల్ ది వెరీ బెస్ట్ బాబాయ్' అని అన్నారు.  మరోవైపు, ఈరోజు మంచు మనోజ్ 41వ పుట్టినరోజు కూడా కావడం గమనార్హం. ఈ సందర్భంగా ఆయన మాట్లాడుతూ... తన బర్త్ డేను పురస్కరించుకుని 'భక్త కన్నప్ప' టీమ్ కూడా టీజర్ ను లాంచ్ చేస్తున్నారని తెలిపారు. తన అన్న విష్ణుకు, టీమ్ కు ఆల్ ది బెస్ట్ అని చెప్పారు. సిరివెన్నెల సీతారామశాస్త్రి గారి పుట్టినరోజు కూడా ఈరోజేనని... ఆయనను చాలా మిస్ అవుతున్నామని అన్నారు. ఆయనెక్కడున్నా ఆయన చల్లని దీవెనలు తమపై ఉండాలని కోరుకుంటున్నానని చెప్పారు. తను, తన కుటుంబానికి... మీకు, మీ కుటుంబాలకు... అందరికీ ఆ శివుడి ఆశీస్సులు ఉండాలని ఆకాంక్షిస్తున్నానని అన్నారు.