Tollywood: ‘సిక్కో సైకో’ అంటూ సెటైరికల్ పాటతో చంద్రబాబుకు బర్త్డే సర్ప్రైజ్ ఇచ్చిన ఆర్జీవీ
- ఈ రోజు ఏపీ మాజీ సీఎం చంద్రబాబు పుట్టిన రోజు
- ఆయనకు సర్ ప్రైజ్ ఇస్తానని ముందే ప్రకటించిన ఆర్జీవీ
- కృత్రిమ మేధ చేసిందంటూ సెటైరికల్ పాటను విడుదల చేసిన దర్శకుడు
ఏపీ మాజీ ముఖ్యమంత్రి, టీడీపీ అధినేత చంద్రబాబు నాయుడు పుట్టిన రోజు ఈ రోజు ఇరు రాష్ట్రాల్లో టీడీపీ శ్రేణులు ఘనంగా జరుపుకుంటున్నారు. చంద్రబాబుకు పలువురు ప్రముఖులు పుట్టిన రోజు శుభాకాంక్షలు తెలిపారు. దర్శకుడు రామ్ గోపాల్ వర్మ తనదైన శైలిలో శుభాకాంక్షలు తెలుపుతూ.. ముందుగా చెప్పినట్టు ఓ సర్ ప్రైజ్ బహుమతి కూడా ఇచ్చారు. బాబుపై సెటైరికల్ గా రాసిన పాటను ట్విట్టర్ లో షేర్ చేశారు. ‘సిక్కో సైకో’ పేరిట ఈ పాటను కృత్రిమ మేధ రూపొందించిందని తెలిపారు. కృత్రిమ మేధనే సాహిత్యం రాసి పాడిందని పేర్కొన్నారు.
ప్ర‌స్తుత ఏపీ సీఎం వై.ఎస్‌.జ‌గ‌న్‌ను సైకో అని చంద్రబాబు తిడుతుంటార‌ని, ఆ సంగ‌తిని ప‌క్క‌న పెడితే తానే ఓ సైకో సిక్కో అని తెలుసుకోలేకపోతున్నారంటూ ఆర్జీవీ వాయిస్ ఓవర్ తో ఈ పాట ప్రారంభమవుతుంది. కాంగ్రెస్ పార్టీ నుంచి తెలుగు దేశంలోకి వ‌చ్చిన సీబీఎన్ మామ‌కు వెన్నుపోటు పొడిచార‌ని, ఆ క‌ర్మ కాలి ఇప్పుడు బాధ‌ప‌డుతున్నాడంటూ సెటైరికల్ లిరిక్స్ ఉన్నాయి.
