చంద్రబాబు కారును ఢీకొట్టిన మరో కారు.. తప్పిన ప్రమాదం

టీడీపీ అధినేత చంద్రబాబు తూర్పుగోదావరి జిల్లా పర్యటనలో అపశ్రుతి చోటుచేసుకుంది. బూరుగుపూడిలో చంద్రబాబు ప్రయాణిస్తున్న కారును మరో కారు ఢీకొట్టింది. ఈ ప్రమాదంలో చంద్రబాబు ప్రయాణిస్తున్న వాహనం బంపర్ వంగిపోయింది. చంద్రబాబుకు ఎలాంటి ప్రమాదం జరగకపోవడంతో అందరూ ఊపిరిపీల్చుకున్నారు. 

'ఇదేం కర్మ మన రాష్రానికి' కార్యక్రమంలో భాగంగా ఈరోజు నుంచి మూడు రోజుల పాటు ఉమ్మడి తూర్పుగోదావరి జిల్లాలో చంద్రబాబు పర్యటిస్తున్నారు. ఈ సందర్భంగా చంద్రబాబుకు స్థానికులు ఘన స్వాగతం పలికారు. లోకేశ్ పాదయాత్ర నేపథ్యంలో చంద్రబాబు కొన్ని రోజుల పాటు ఈ కార్యక్రమానికి దూరంగా ఉన్నారు. ఇప్పుడు రెగ్యులర్ గా ప్రజల్లో ఉండేందుకు ఆయన సిద్ధమయ్యారు.