‘సీఈసీ జ్ఞానేశ్ కుమార్‌ రాజీనామా చేయాల్సిందే’.. నేటి నుంచి మరో భారీ నిరసన చేపడుతున్న కాక్రోచ్ పార్టీ
- ముంబై శివాజీ పార్క్‌లో సీజేపీ ఆందోళన
- ఓటర్ల పేర్ల తొలగింపుపై ఆరోపణలు
- దేశవ్యాప్త ఉద్యమానికి శ్రీకారం చుడతామని ప్రకటన
- నిరసన శాంతియుతంగా నిర్వహిస్తామని వెల్లడి
- 50 వేల మందికిపైగా వస్తారని అంచనా
ప్రధాన ఎన్నికల కమిషనర్ (సీఈసీ) జ్ఞానేశ్ కుమార్‌కు వ్యతిరేకంగా ఆందోళనకు దిగుతున్నట్లు కాక్రోచ్ జనతా పార్టీ (సీజేపీ) నేతలు ప్రకటించారు. ఓటు చోరీ ఆరోపణలపై ఆయన బాధ్యత వహించాలని, పదవికి రాజీనామా చేయాలని డిమాండ్ చేశారు. తమ డిమాండ్ల సాధన కోసం అవసరమైతే జైలుకు వెళ్లేందుకూ సిద్ధమని తెలిపారు. శుక్రవారం ముంబైలోని శివాజీ పార్క్‌లో ఈ ఆందోళన చేపట్టనున్నట్లు వెల్లడించారు.
“13 కోట్ల మంది ఓటర్ల ఓట్లను తిరిగి సాధించడానికి, సీఈసీ జ్ఞానేశ్ కుమార్‌ను బాధ్యుడిని చేయడానికి జైలుకు వెళ్లాల్సి వచ్చినా వెనుకాడం” అని సీజేపీ సహ కన్వీనర్ అశుతోష్ రంకా అన్నారు. పెద్ద సంఖ్యలో ఓటర్ల పేర్లను జాబితా నుంచి తొలగించారని ఆయన ఆరోపించారు. గతంలో చేపట్టిన ఆందోళన తరహాలోనే, డిమాండ్లు నెరవేరే వరకు పోరాటం కొనసాగిస్తామని స్పష్టం చేశారు.
మరో సహ కన్వీనర్ సౌరవ్ దాస్ మాట్లాడుతూ.. గతంలో జంతర్‌మంతర్ వద్ద యువత పెద్ద ఎత్తున ఉద్యమంలో పాల్గొన్న విషయాన్ని గుర్తుచేశారు. అదే స్ఫూర్తితో ముంబై నుంచి దేశవ్యాప్త ఆందోళన ప్రారంభించాలని నిర్ణయించినట్లు చెప్పారు. గాంధీ జయంతి సందర్భంగా యువత మరోసారి ఐక్యంగా ఉద్యమంలో పాల్గొనాలని పిలుపునిచ్చారు. ఓటు హక్కుకు భంగం కలిగితే దేశంలో మార్పు సాధ్యం కాదని వ్యాఖ్యానించారు.
బీజేపీకి చెందిన కొందరు కార్యకర్తలు ఆందోళనను అడ్డుకునేందుకు ప్రయత్నించారని దాస్ ఆరోపించారు. ఈ మేరకు సంబంధిత వ్యక్తుల ఫొటోలను కూడా అందించినట్లు చెప్పారు. ఆందోళనకు సంబంధించి ముంబై పోలీసులకు ముందస్తు సమాచారం ఇచ్చామని, వారి సహకారం ఉంటుందని ఆశిస్తున్నామని తెలిపారు. నిరసన శాంతియుతంగా నిర్వహిస్తామని, ఇక్కడి నుంచే దేశవ్యాప్త ఉద్యమానికి శ్రీకారం చుడతామని పేర్కొన్నారు.
ఆందోళన ప్రారంభానికి ముందే శివాజీ పార్క్ వద్దకు ప్రజలు చేరుకున్నారని సీజేపీ నేత సిద్ధాంత్ భరద్వాజ్ తెలిపారు. కనీసం 40 వేల నుంచి 50 వేల మంది హాజరవుతారని, ఆ సంఖ్య లక్ష దాటే అవకాశం ఉందని అంచనా వేశారు.
“13 కోట్ల మంది ఓటర్ల ఓట్లను తిరిగి సాధించడానికి, సీఈసీ జ్ఞానేశ్ కుమార్‌ను బాధ్యుడిని చేయడానికి జైలుకు వెళ్లాల్సి వచ్చినా వెనుకాడం” అని సీజేపీ సహ కన్వీనర్ అశుతోష్ రంకా అన్నారు. పెద్ద సంఖ్యలో ఓటర్ల పేర్లను జాబితా నుంచి తొలగించారని ఆయన ఆరోపించారు. గతంలో చేపట్టిన ఆందోళన తరహాలోనే, డిమాండ్లు నెరవేరే వరకు పోరాటం కొనసాగిస్తామని స్పష్టం చేశారు.
మరో సహ కన్వీనర్ సౌరవ్ దాస్ మాట్లాడుతూ.. గతంలో జంతర్‌మంతర్ వద్ద యువత పెద్ద ఎత్తున ఉద్యమంలో పాల్గొన్న విషయాన్ని గుర్తుచేశారు. అదే స్ఫూర్తితో ముంబై నుంచి దేశవ్యాప్త ఆందోళన ప్రారంభించాలని నిర్ణయించినట్లు చెప్పారు. గాంధీ జయంతి సందర్భంగా యువత మరోసారి ఐక్యంగా ఉద్యమంలో పాల్గొనాలని పిలుపునిచ్చారు. ఓటు హక్కుకు భంగం కలిగితే దేశంలో మార్పు సాధ్యం కాదని వ్యాఖ్యానించారు.
బీజేపీకి చెందిన కొందరు కార్యకర్తలు ఆందోళనను అడ్డుకునేందుకు ప్రయత్నించారని దాస్ ఆరోపించారు. ఈ మేరకు సంబంధిత వ్యక్తుల ఫొటోలను కూడా అందించినట్లు చెప్పారు. ఆందోళనకు సంబంధించి ముంబై పోలీసులకు ముందస్తు సమాచారం ఇచ్చామని, వారి సహకారం ఉంటుందని ఆశిస్తున్నామని తెలిపారు. నిరసన శాంతియుతంగా నిర్వహిస్తామని, ఇక్కడి నుంచే దేశవ్యాప్త ఉద్యమానికి శ్రీకారం చుడతామని పేర్కొన్నారు.
ఆందోళన ప్రారంభానికి ముందే శివాజీ పార్క్ వద్దకు ప్రజలు చేరుకున్నారని సీజేపీ నేత సిద్ధాంత్ భరద్వాజ్ తెలిపారు. కనీసం 40 వేల నుంచి 50 వేల మంది హాజరవుతారని, ఆ సంఖ్య లక్ష దాటే అవకాశం ఉందని అంచనా వేశారు.
