తిరుమల శ్రీవారికి టయోటా కారు బహూకరణ

తిరుమల వెంకన్నకు అందే కానుకలకు అంతే లేదు. నిత్యం ఏదో ఒక రూపంలో స్వామివారి ఖజానా కళకళలాడుతుంటుంది. చాలామంది వాహన రూపేణా కూడా శ్రీవారికి కానుకలు, విరాళాలు అందిస్తుంటారు. 

తాజాగా, హర్ష టయోటా షోరూం ఎండీ ఎం.హర్షవర్ధన్ వెంకటేశ్వరస్వామికి టయోటా రైడర్ కారును విరాళంగా సమర్పించారు. ఇవాళ ఆలయం వద్దకు కారును తీసుకువచ్చిన హర్షవర్ధన్... కారు తాళాలను ఆలయ ఈవో ధర్మారెడ్డికి అందజేశారు. కారుకు పూజలు చేసి చక్కగా ముస్తాబు చేశారు. గతంలోనూ హర్ష టయోటా సంస్థ తిరుమల శ్రీవారికి వాహనాన్ని బహూకరించినట్టు తెలుస్తోంది.