"మనల్ని ఎవడ్రా ఆపేది"... పవన్ కల్యాణ్ పుట్టినరోజు నేపథ్యంలో అభిమానులు రూపొందించిన పాట ఇదిగో!

జనసేన పార్టీ అధినేత, టాలీవుడ్ పవర్ స్టార్ పవన్ కల్యాణ్ రేపు (సెప్టెంబరు 2) పుట్టినరోజు జరుపుకోనున్నారు. ఈ క్రమంలో పవన్ అభిమానులు చాలా ముందుగానే సంబరాలు షురూ చేశారు. తమ ఆరాధ్య హీరో, నేత కోసం ఫ్యాన్స్ ఓ ప్రత్యేక గీతాన్ని రూపొందించడం విశేషం. 'మనల్ని ఎవడ్రా ఆపేది..' అంటూ సాగే ఈ పాట సోషల్ మీడియాలో సందడి చేస్తోంది. పవన్ గతంలో స్టేజిపై పలికిన మనల్ని ఎవడ్రా ఆపేది అనే డైలాగును ఈ పాటలో ప్రముఖంగా ఉపయోగించారు. ఈ పాట నేడు యూట్యూబ్ లో విడుదల కాగా, పవన్ అభిమానుల నుంచి విశేష స్పందన వస్తోంది.