icc: ఐసీసీ టెస్టు ర్యాంకింగ్స్‌లో నంబ‌ర్ 1 భార‌త్!

ఐసీసీ టెస్టు ర్యాంకింగ్స్‌లో భార‌త జ‌ట్టు నంబ‌ర్ వ‌న్ స్థానాన్ని ప‌దిల‌ప‌ర్చుకుంది. తాజాగా విడుద‌ల చేసిన ర్యాకింగ్స్‌లో 121 పాయింట్ల‌తో టీమిండియా అగ్ర‌స్థానంలో నిల‌వ‌గా, అగ్ర‌స్థానానికి చేరుకుంటుంద‌ని భావించిన న్యూజిలాండ్ ఒకే ఒక్క పాయింట్‌తో వెన‌క‌బ‌డి రెండో స్థానానికి ప‌రిమిత‌మైంది. ఆ జ‌ట్టు ఖాతాలో ప్ర‌స్తుతం 120 పాయింట్లు ఉన్నాయి.

ఇక మూడో స్థానంలో 109 పాయింట్ల‌తో ఇంగ్లండ్, నాలుగో స్థానంలో ఆస్ట్రేలియా (108), 94 పాయింట్ల‌తో ఐదో స్థానంలో పాకిస్థాన్ ఉన్నాయి. ఆ త‌ర్వాతి స్థానాల్లో వ‌రుస‌గా వెస్టిండీస్, ద‌క్షిణాఫ్రికా, శ్రీ‌లంక‌, బంగ్లాదేశ్‌, జింబాబ్వే ఉన్నాయి.

ఏడాది వ్య‌వ‌ధిలో ఆస్ట్రేలియా, ఇంగ్లండ్‌పై భార‌త్ భారీ విజ‌యాలు సాధించిన విష‌యం తెలిసిందే. ఆస్ట్రేలియాపై 2-1 తేడాతో విజ‌యం సాధించింది. ఇంగ్లండ్‌లో 3-1 తేడాతో గెలుపొందింది. మ‌రోవైపు అదే కాల వ్య‌వ‌ధిలో న్యూజిలాండ్ వెస్టిండీస్‌పై 2-0 తేడాతో, పాకిస్థాన్‌తోనూ 2-0 తేడాతో విజ‌యాలు సాధించింది. ఈ నేప‌థ్యంలో భార‌త్, న్యూజిలాండ్ తొలి రెండు స్థానాల్లో కొన‌సాగుతున్నాయి.