దేశంలో కొత్త‌గా 3.62 ల‌క్ష‌ల మందికి కరోనా నిర్ధారణ

13-05-2021 Thu 09:58
  • మొత్తం కరోనా కేసుల సంఖ్య 2,37,03,665
  • నిన్న‌ 4,120 మంది మృతి
  • మృతుల సంఖ్య మొత్తం 2,58,317
  • 17,72,14,256  మందికి వ్యాక్సిన్లు  
Media Bulletin on status of positive cases COVID19 in india

దేశంలో నిన్న‌ కొత్త‌గా 3,62,727  మందికి కరోనా నిర్ధారణ అయింది. వీటికి సంబంధించిన వివరాలను కేంద్ర వైద్య, ఆరోగ్య మంత్రిత్వ శాఖ ఈ రోజు ఉదయం విడుదల చేసింది. వాటి ప్రకారం... నిన్న 3,52,181 మంది కోలుకున్నారు. దేశంలో నమోదైన మొత్తం కరోనా కేసుల సంఖ్య 2,37,03,665కు చేరింది.

గడచిన 24 గంట‌ల సమయంలో 4,120 మంది కరోనా కారణంగా మృతి చెందారు. దీంతో మృతుల సంఖ్య  2,58,317కు పెరిగింది. దేశంలో కరోనా నుంచి ఇప్పటివరకు  1,97,34,823 మంది కోలుకున్నారు. 37,10,525 మందికి ప్రస్తుతం ఆసుపత్రులు, హోం క్వారంటైన్‌లలో చికిత్స అందుతోంది. దేశ వ్యాప్తంగా 17,72,14,256  మందికి వ్యాక్సిన్లు వేశారు.
       కాగా, దేశంలో నిన్నటి వరకు మొత్తం 30,94,48,585 కరోనా పరీక్షలు నిర్వహించినట్లు భారతీయ వైద్య పరిశోధన మండలి (ఐసీఎంఆర్) తెలిపింది. నిన్న 18,64,594 శాంపిళ్లను పరీక్షించినట్లు పేర్కొంది.