Corona Virus: దేశంలో క‌రోనా కేసుల అప్‌డేట్స్‌!

దేశంలో కొత్త‌గా న‌మోదైన క‌రోనా కేసుల వివరాలను కేంద్ర వైద్య, ఆరోగ్య మంత్రిత్వ శాఖ ఈ రోజు ఉదయం విడుదల చేసింది. వాటి ప్రకారం, దేశంలో గత 24 గంటల్లో 16,577 మందికి కరోనా నిర్ధారణ అయింది. అదే స‌మ‌యంలో 12,179 మంది కోలుకున్నారు. దేశంలో నమోదైన మొత్తం కరోనా కేసుల సంఖ్య 1,10,63,491కు చేరింది.

గడచిన 24 గంట‌ల సమయంలో 120 మంది కరోనా కారణంగా మృతి చెందారు. దీంతో మృతుల సంఖ్య 1,56,825 కు పెరిగింది. దేశంలో కరోనా నుంచి ఇప్పటివరకు 1,07,50,680 మంది కోలుకున్నారు. 1,55,986  మందికి ప్రస్తుతం ఆసుపత్రులు, హోం క్వారంటైన్‌లలో చికిత్స అందుతోంది. ఇప్ప‌టివ‌ర‌కు 1,34,72,643 మందికి వ్యాక్సిన్ వేశారు.
  
కాగా, దేశంలో నిన్నటి వరకు మొత్తం 21,46,61,465 కరోనా పరీక్షలు నిర్వహించినట్లు భారతీయ వైద్య పరిశోధన మండలి (ఐసీఎంఆర్) తెలిపింది. నిన్న 8,31,807 శాంపిళ్లను పరీక్షించినట్లు పేర్కొంది.