సీఆర్పీఎఫ్ సూచనలతో బైక్ అంబులెన్స్ ను అభివృద్ధి చేసిన డీఆర్డీఓ

18-01-2021 Mon 17:25
  • డీఆర్డీఓ మరో ఆవిష్కరణ
  • అటవీ, కొండ ప్రాంతాల్లో వినియోగానికి బైక్ అంబులెన్స్ లు
  • మావోయిస్టు ప్రాంతాలకు అనువుగా రూపకల్పన
  • ప్రయోగాత్మకంగా పలు చోట్ల పరిశీలన
DRDO designs bike ambulance

దేశ రక్షణ నిమిత్తం ఆయుధాలు రూపొందించే డిఫెన్స్ రీసెర్చ్ అండ్ డెవలప్ మెంట్ ఆర్గనైజేషన్ (డీఆర్డీఓ) ప్రజా ఉపయోగ ఆవిష్కరణలకు కూడా ప్రాధాన్యమిస్తోంది. తాజాగా డీఆర్డీఓ పరిశోధకులు ఓ బైక్ అంబులెన్స్ ను రూపొందించారు. సీఆర్పీఎఫ్ సూచనల మేరకు ఈ బైక్ అంబులెన్స్ ను అభివృద్ధి చేశారు. ఈ బైక్ అంబులెన్స్ ను మావోయిస్టు ప్రభావిత అటవీప్రాంతాల్లోనూ, కొండ ప్రాంతాల్లోనూ వినియోగించేందుకు అనువుగా మలిచారు. భద్రతా బలగాల్లో ఎవరైనా గాయపడితే అత్యవసర పరిస్థితుల్లో వారిని తరలించేందుకు ఈ బైక్ అంబులెన్స్ లు ఉపయోగిస్తారు. రాయల్ ఎన్ ఫీల్డ్ బైకులకు మార్పులు, చేర్పులు చేసి ఒక వ్యక్తిని సురక్షితంగా ఆసుపత్రికి తరలించేలా రూపుదిద్దారు. ఇప్పటికే వీటిని పలు ప్రాంతాల్లో ప్రయోగాత్మకంగా పరిశీలించారు.