Dinesh Karthik: కార్తీక్, గిల్ అర్ధసెంచరీలు... కోల్ కతా గౌరవప్రద స్కోరు

ఐపీఎల్ లో నేడు కోల్ కతా నైట్ రైడర్స్, కింగ్స్ ఎలెవన్ పంజాబ్ జట్ల మధ్య అబుదాబిలో మ్యాచ్ జరుగుతోంది. ఈ మ్యాచ్ లో టాస్ గెలిచి మొదట బ్యాటింగ్ చేసిన కోల్ కతా నిర్ణీత 20 ఓవర్లలో 6 వికెట్లకు 164 పరుగులు చేసింది. యువ ఓపెనర్ శుభ్ మాన్ గిల్ (47 బంతుల్లో 57), కెప్టెన్ దినేశ్ కార్తీక్ (27 బంతుల్లో 58; 8 ఫోర్లు, 2 సిక్సులు) అర్ధసెంచరీలతో అలరించారు.

వీళ్లిద్దరే కాకుండా, ఇయాన్ మోర్గాన్ (24) ఓ మోస్తరుగా రాణించాడు. ఎన్నో ఆశలు పెట్టుకున్న ఓపెనర్ రాహుల్ త్రిపాఠి (4) ఈ మ్యాచ్ లో నిరాశపరిచాడు. నితీశ్ రాణా (2) రనౌట్ అయ్యాడు. కింగ్స్ ఎలెవన్ పంజాబ్ బౌలర్లలో మహ్మద్ షమీ, అర్షదీప్ సింగ్, రవి బిష్ణోయ్ తలో వికెట్ తీశారు.