Sachin Tendulkar: నా తొలికారు ఎక్కడుందో ఎవరైనా చెబుతారా..?: సచిన్ విజ్ఞప్తి

భారత క్రికెట్ దేవుడు సచిన్ టెండూల్కర్ తొలినాళ్లలో మారుతి 800 కారును ఉపయోగించేవాడు. అయితే ఇప్పుడా కారు తనవద్ద లేదని, ఆ కారును వెతికి పెట్టాలంటూ సచిన్ తన ఫ్యాన్స్ ను కోరాడు. ఆ కారు ప్రస్తుత యజమాని వివరాలు తనకు పంపితే, ఆ కారును తిరిగి పొందేందుకు ప్రయత్నిస్తానని సచిన్ తెలిపాడు.

తనకు కార్లంటే ఎంతో మోజు అని, చిన్నప్పుడు తన అన్నయ్యతో కలిసి రోడ్డుపై వెళ్లే కార్లను చూస్తూ ఉండేవాడ్నని ఈ బ్యాటింగ్ మ్యాస్ట్రో ఓ ఇంటర్వ్యూలో తెలిపాడు. కార్లంటే ఉన్న ఇష్టంతో ఎన్నో మోడళ్లు కొన్నానని, కానీ తొలికారు ఎంతో ప్రత్యేకమైనదని వివరించాడు. ఇప్పుడా కారు తనవద్ద లేకపోవడంతో ఎంతో వెలితిగా ఉందని పేర్కొన్నాడు.