సినిమా కబుర్లు.. సంక్షిప్త సమాచారం  

*  అల్లు అర్జున్ హీరోగా సుకుమార్ దర్శకత్వంలో రూపొందే 'పుష్ప' చిత్రం షూటింగును ప్రారంభించడానికి ఏర్పాట్లు జరుగుతున్నాయి. మరోపక్క, ఈ చిత్రంలో ఓ ఐటెం సాంగు ఉందనీ, దానికోసం హాట్ బ్యూటీ పాయల్ రాజ్ పుత్ ను ఎంపిక చేశారనీ ప్రచారం జరుగుతోంది.
*  నాగ చైతన్య, సాయిపల్లవి జంటగా శేఖర్ కమ్ముల దర్శకత్వంలో రూపొందుతున్న 'లవ్ స్టోరీ' చిత్రం షూటింగుకు సంబంధించి ఇక కొంత భాగం మాత్రం మిగిలివుంది. త్వరలోనే దీనిని పూర్తిచేస్తారు. కాగా, ఈ చిత్రం శాటిలైట్, డిజిటల్, డబ్బింగ్ హక్కులు 18 కోట్లకు అమ్ముడుపోయినట్టు తాజా సమాచారం.  
*  త్వరలో ప్రారంభం కానున్న 'బిగ్ బాస్ 4' రియాలిటీ షో కోసం పార్టిసిపేంట్ల ఎంపిక జరుగుతోంది. ఈ క్రమంలో తాజాగా కథానాయిక పూనం బజ్వాను ఒక పార్టిసిపేంట్ గా ఎంపిక చేసినట్టు తెలుస్తోంది. దీనికి అక్కినేని నాగార్జున హోస్ట్ గా వ్యవహరిస్తారు.