Tulasi: హీరోయిన్ కాలేకపోయినందుకు నేనెప్పుడూ బాధపడలేదు: నటి తులసి

తాజాగా 'ఆలీతో సరదాగా' కార్యక్రమంలో తులసి మాట్లాడుతూ, తన గురించిన అనేక విషయాలను గురించి ప్రస్తావించారు. "నాకు కాస్త పొగరు అనీ .. అందువల్లనే హీరోయిన్ స్థాయికి వెళ్లలేకపోయాననే టాక్ వుంది. ఈ ప్రచారంలో ఎంతమాత్రం నిజం లేదు. ఎందుకంటే హీరోయిన్ స్థాయికి వెళ్లాలని నేను ఎప్పుడూ అనుకోలేదు. కెరియర్ పరంగా నేను ఎంతవరకూ వెళ్లాలని అనుకున్నానో అంతవరకే వెళ్లాను.

ఒక్క మాటలో చెప్పాలంటే నేను నాలాగే వుండాలని అనుకున్నాను .. అలాగే వున్నాను. ప్రస్తుతం తెలుగుతో పాటు తమిళ .. మలయాళ సినిమాల్లోను తల్లి పాత్రలను చేస్తున్నాను. తమిళ .. మలయాళ ప్రేక్షకుల్లోను నాకు మంచి గుర్తింపు వుంది. అందువలన అక్కడి రచయితలు నన్ను గుర్తుపెట్టుకుని పాత్రలను రాస్తున్నందుకు చాలా సంతోషంగా వుంది. ఇదంతా ప్రేక్షకుల ఆశీస్సులుగానే నేను భావిస్తున్నాను" అని చెప్పుకొచ్చారు.