Parliament: పార్లమెంటు వద్ద కలకలం.. బారికేడ్‌ను ఢీకొట్టిన ఎంపీ కారు.. ఏకే 47లతో గురి పెట్టిన భద్రతా బలగాలు.. వీడియో ఇదిగో

పార్ల‌మెంటు సమావేశాలు కొనసాగుతున్నాయి. సమావేశాలు ప్రారంభం కావడానికి ముందు గేట్ నెంబ‌ర్ వ‌న్ వ‌ద్ద కలకలం చెలరేగింది. బూమ్ బ్యారికేడ్‌ను ఓ కారు ఢీ కొట్టడంతో దాని నుంచి స్పైక్స్ బ‌య‌ట‌కు వ‌చ్చి, ఆ కారు అక్క‌డే నిలిచిపోయింది. వెంటనే సైర‌న్ మోగడంతో అక్కడ ఉన్న భ‌ద్ర‌తా ద‌ళాలు అప్ర‌మ‌త్త‌మై ఏకే 47 తుపాకులతో ఆ కారుకి గురి పెట్టారు.

ఆ కారు  బీజేపీ ఎంపీ వినోద్ కుమార్ సోన‌క‌ర్‌దని తేలడంతో అందరూ ఊపిరి పీల్చుకున్నారు.  ఈ ఘటనలో ఆ కారు స్వల్పంగా ధ్వంసమైంది. పొరపాటున ఆ కారు వాటికి తగిలిందని భద్రతా బలగాలు గుర్తించాయి. కాగా, 2001లో పార్ల‌మెంట్‌పై ఉగ్ర‌దాడి జ‌రిగిన త‌ర్వాత‌ భద్రతను కట్టుదిట్టం చేస్తూ.. పార్లమెంటు గేట్ల వ‌ద్ద స్పైక్స్‌ల‌ను అమ‌ర్చారు.