New Delhi: మహిళా పోలీసుపై దాడి చేసి, లోడెడ్ గన్ ను తీసుకుపోయిన ఢిల్లీ లాయర్లు!
న్యూఢిల్లీలో పోలీసులు, లాయర్లకు మధ్య జరిగిన గొడవ నేపథ్యంలో తీసిన ఓ వీడియో ఇప్పుడు షాకింగ్ కు గురి చేస్తోంది. యూనిఫామ్ ధరించిన ఓ మహిళా పోలీసు అధికారిణిని చుట్టు ముట్టి, దాడి చేసిన కొందరు లాయర్లు, ఆమె వద్ద లోడ్ చేసి వున్న గన్ ను ఎత్తుకుపోయారు. ఢిల్లీలోని తీస్ హజారీ ప్రాంతంలో ఈ ఘటన జరుగగా, మహిళా పోలీసు అధికారిణి ఉన్నతాధికారులకు కంప్లయింట్ చేశారు.
తనవద్ద ఉన్న 9 ఎంఎం సర్వీస్ ఫిస్టల్ శనివారం నుంచి కనిపించడం లేదని ఆమె ఫిర్యాదు చేయగా, ఇంతవరకూ పోలీసులు కేసును రిజిస్టర్ చేయలేదని తెలుస్తోంది. అమె లిఖిత పూర్వకంగా ఇంకా ఫిర్యాదు చేయని కారణంగానే ఎఫ్ఐఆర్ నమోదు కాలేదని ఓ అధికారి చెప్పడం గమనార్హం. ఆమె లైంగిక వేధింపులకు గురి కాలేదని, అందువల్ల తాము ఎలాంటి చర్యలూ స్వయంగా తీసుకోలేమని ఆయన అన్నారు. లాయర్ల నిరసనల వ్యవహారం సున్నితమైన విషయమైనందున తమపై ఒత్తిడి అధికంగా ఉందని మరో అధికారి వ్యాఖ్యానించారు.
తనవద్ద ఉన్న 9 ఎంఎం సర్వీస్ ఫిస్టల్ శనివారం నుంచి కనిపించడం లేదని ఆమె ఫిర్యాదు చేయగా, ఇంతవరకూ పోలీసులు కేసును రిజిస్టర్ చేయలేదని తెలుస్తోంది. అమె లిఖిత పూర్వకంగా ఇంకా ఫిర్యాదు చేయని కారణంగానే ఎఫ్ఐఆర్ నమోదు కాలేదని ఓ అధికారి చెప్పడం గమనార్హం. ఆమె లైంగిక వేధింపులకు గురి కాలేదని, అందువల్ల తాము ఎలాంటి చర్యలూ స్వయంగా తీసుకోలేమని ఆయన అన్నారు. లాయర్ల నిరసనల వ్యవహారం సున్నితమైన విషయమైనందున తమపై ఒత్తిడి అధికంగా ఉందని మరో అధికారి వ్యాఖ్యానించారు.
